#SharedomoLife
.
//Put Away Your Phone Before Bed! 睡前拎走你部電話啦!//
.
最近呢大半年都訓得好差，有時訓唔到會眼光光到五六點，但第二日七點幾八點又要起身返工，真係超辛苦超崩潰😭之前有試過食melatonin，但係我自己唔係好習慣食藥訓教（遲啲分享supplements 會講下），同埋儘量都唔想依賴食藥～所以想從習慣着手，希望自己睡眠質素好啲啦！其實我以前都有實行睡前拎走電話呢件事，不過上年開始我諗好多人都係慣左碌住電話訓教，最近睇到 @hyginova 的廿一生活練習，令我的起心肝喺呢一個月重拾呢個習慣！
.
我嘅做法係臨瞓前大約半個鐘就會將部電話拎出廳叉電，第二朝瞓醒梳洗完，食早餐嘅時候先會再拎起部電話。
.
主要有兩個好處。首先就係臨瞓之前唔會掛住碌電話碌到唔願瞓，電話發出嘅藍光其實好影響睡眠質素，或者有時睇到一啲比較刺激嘅圖片影片都會令人更容易失眠，而且瞓喺度碌電話或者熄燈碌電話對視力唔好，拎走部電話就可以解決晒呢啲問題!
.
第二個好處就係瞓醒之後唔會一起身就碌電話，之前睇過一個外國YouTuber分享，佢覺得朝早起身呢一段時間，唔應該第一時間就接受外來世界俾你嘅訊息，例如係公司email，social media上面嘅post等等，簡單來講就係唔應該由個世界話俾你知你要做乜嘢，而係應該由你自身出發去諗下自己想做乜嘢，所以一起身唔應該接觸電話，而係應該俾自己一個Me time同埋留白嘅時間。(我講到1999，如果遲啲搵返條片就post返俾大家睇😹)當然呢個牽涉到一系列更加advanced 嘅morning habits，不過我諗朝頭早唔睇電話係好嘅第一步啦😹（題外話：好想有一日都建立到適合自己嘅night & morning routine呀～）
.
祝大家不再失眠～
Search